nyanyian rakyat banjar, kalimantan selatan

TUGAS BAHASA INDONESIA

KUMPULAN NYANYIAN RAKYAT BANJAR

NAMA : ISNAWATI

KELAS : XII IPA 2

·         Cuk cuk bimbi

Bimbi dalam sarunai

Tacucuk takulibi

Muhanya kaya punai

( Sagincul liu liu, Sagincul liu liu )

·         Ungga - ungga apung

Apung sinali-nali

Talipat daun bakung

Raja punai raja wali

·         Jun – jun alai

Tapatuk burung di laut

Tatajun ka balai

Katulangan tulang walut

·         Sumangka masak mangkal

Dijajak linak-linak

Urang tuha kada baakal

Malawani kanak-kanak

·         Pangantin pangintut

Palapah rumbia

Nang bini takantut

Nang laki tabahira

·         Kastila buruk di dahan

Di dahan badaun dua

Kakanakan bahingusan

Minta buangi wan mamanya

·         Guring-guring anakku guring

Guring diakan dalam ayunan

Matanya kalat disuruh guring

Untung batuah lagi baiman

·         Dul dul cak

Kapala gundul ditampar cacak

·         Halang manari di pucuk manggis

Umanya lari anaknya manangis

·         Mandur tali kawat

gawi mundur makan kuat

·         galuh kaciput tarung babanam

galuh takantut babau pakasam

·         Ampar – ampar pisang

Pisangku balum masak

Masak sabigi dihurung bari-bari

Manggalepak manggalepok

Patah kayu bengkok

Bengkok dimakan api

Apinya cangcurupan

Garitak disintak dahuluakan masak

·         Guring-guring anakku guring

Guring badundang dalam pukungan

Mata bapajam sudahlah guring

Budi bauntung parajakian

               

·         Anak lalat guring bagantung

Anak pang wanyi manyanyiakan

Batahi lalat tanda bauntung

Budi nang baik kakasih tuhan

               

·         Daun paring batang pirawas

 Daunnya maampat cabang salawi

 Anakku guring sihat wan waras

 Panjang umurnya hidup babakti

·         Rawa - rawa puhun manggis

Tatawa sambil manangis

·         Manggala gugur ka tahi

Bagaya jadi kalahi

·         Sisiuragung umpannya lalat

Mata mancurung halarnya tajarat

Sakit parut makan tapai

Sakit burut kana japai

·         Ampar – ampar pisang

Pisangku balum masak

Masak sabigi dihurung bari-bari

Manggalepak manggalepok

Patah kayu bengkok

Tanduk sapi kulibir bawang

Nang mana batis kutung dikitip bidawang

·         Lailahailallah

Muhammad darasulullah

Guring, anakku guring

Bauntung batuah

·         Turun ka batang

Tabarusuk tapilantang

thanks for read & leave ur comment